xikmado xul ah oo xiiso leh

1- Marnaba haka Quusan wax aad si Dhab ah u rabto, way Adag tahay in la Sugo, laakiin waxaa ka sii daran inaad ka Shalayso.

2- Goortii aad Aqbasho Qof, waxaad
Aqbashay wixii ay horay u soo mareen oo dhan. Sidaa darteed, dib ha u soo Gocan hana u Adeegsan.

3- Goortii aad Qof Necbeysato, wax kasta ay sameeyaan waxay noqonayaan kuwo kaa Xanaajiya. Haddaba ha gelin Niyadaada wax Naceyb ah.

4- Aargoosiga ugu Wanaagsan waa inaad horay u socoto, Cafiso iska ilowdo, kuna Dadaasho inaad Guuleysato.

5- Marnaba aad ha ugu xirnaan Dad haddii eysan iyaguna sidaa oo kale dareemayn, sababtoo ah jaceyl hal dhinac ah Maskax ahaan ayuu ku Baabi’in karaa.

6- Dadka qaarkii ma rabaan iney Runta maqlaan, sababtoo ah ma doonayaan in Dhalanteedkooda la Burburiyo.

7- Jaceylku waxba ma aha hadaan Ficil la socon, Aaminaadu waxba ma aha hadeysan Caddeyn (daliil) la socon, Raaligelintu waxba ma aha haddii aan Isbedel jirin.

8- Dadku waxey inta badan Hilmaamaan iney kuu Mahadceliyaan marka aad Wanaag u sameysid, laakiin marnaba ma Hilmaamaan iney ku Eedeeyaan haddii aad Hal qalad ku sameysid.